24 чэрвеня 2021, Чацвер, 22:02
Сім сім, Хартыя 97!
Рубрыкі

На Менскім падшыпнікавым заводзе спее бунт?

25
На Менскім падшыпнікавым заводзе спее бунт?

Настолькі крытычная сітуацыя склалася ўпершыню.

На Менскім падшыпнікавым заводзе заробак за гэты месяц, магчыма, не дадуць наогул, паведамляе тэлеграм-канал nexta_tv.

Як пішуць працоўныя, заробак павінны былі даць 20 чысла, гэта значыць учора. Але раніцай бухгалтэрыя паведаміла, што заробку на гэтым тыдні не будзе, і калі будзе - невядома, бо на заводзе няма грошай. Такая сітуацыя здараецца ўпершыню. У папярэднія гады заробак хоць часткамі, але заўсёды выплачвалі.

Цяпер жа рабочым кажуць, што як толькі знойдуць каму прадаць тавар, так адразу і заплацяць. А пакуль «грошай няма, але вы трымайцеся». Раней былі яшчэ хоць нейкія заказы, але пасля санкцый планы ўпалі. Сам завод трымаецца на адных пенсіянерах. На старыя станкі ўжо не знайсці наладчыкаў, а тыя, што ёсць, жлукцяць па паўмесяца і іх не звальняюць, бо няма кім замяніць.

Пра саму вытворчасць ужо асабліва ніхто не думае. Каб хоць неяк стачыць канцы з канцамі рабочых пераводзяць з адных цэхаў у іншыя разам з усімі станкамі і абсталяваннем, каб вызваліць будынак і здаваць у арэнду ненавісным прыватнікам.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».