Ва Уруччы шмат аўтамабіляў МНС і «хуткай дапамогі»

Прычына пярэпалаху выявілася нечаканай.

Менчукі пішуць пра збой самаходаў МНС (і не толькі) ва Уруччы. Аварыйныя службы заўважылі каля дома па праспекце Незалежнасці, 168/1. Сцісла: прычына пярэпалаху выявілася нечаканай.

«Ва Уруччы нешта няяснае, шмат аўтамабіляў МНС. Яшчэ тут міліцыя і хуткая дапамога», - паведамлялі tut.by відавочцы.

Пазней з'явілася інфармацыя, што нічога сур'ёзнага: усё праз загаранне рыззя ў куфры. «Ніхто не пацярпеў», - напісалі ратавальнікі.

Але гісторыя атрымала нечаканае развіццё.

«Пазней высветлілася, што гэта быў куфар штукара. У ім была колба з рэагентаў, якая разбілася. Адбылася хімічная рэакцыя з вылучэннем дыму, які памылкова прынялі за дым ад пажару. Выклік у выніку фальшывы», - паведамілі ў МНС Менска.

Дадамо, што вялікая колькасць аварыйнай тэхнікі не заўсёды азначае сур'ёзнае здарэнне. Напрыклад, колькасць пажарных аўтамабіляў можа залежаць ад таго, як шмат выклікаў, ці жылы гэта дом, колькі мае паверхаў і ад іншых чыннікаў.