Financial Times: Украіна гатовая стрымаць вайсковую агрэсію РФ

Экспэрты параўналі баявы досвед і ўзбраенне войска абедзвюх краін.

Узброеныя сілы Украіны ў параўнанні з 2014 годам прайшлі працэс мадэрнізацыі, правялі мноства вучэнняў з краінамі NАТО, абсталяваныя сучасным узбраеннем, маюць баявы досвед і здольныя стрымаць вайсковую агрэсію з боку Расейскай Федэрацыі. Пра гэта гаворыцца ў артыкуле аглядальнікаў Рамана Алеарчыка, Хелен Уорэл і Бэна Хола, апублікаванага на сайце Financial Times.

«Ва ўмовах пагрозы з боку РФ, ва ўмовах канцэнтрацыі больш як 110 тысяч вайскоўцаў уздоўж усходняй мяжы Украіны і ў акупаваным Крыме, Кіеў мае магутныя і прафесійныя ўзброеныя сілы з баявым досведам, зусім не тыя, што былі ў 2014 годзе, якія як мінімум могуць супраціўляцца, калі не перамагчы расейскае наступ», - гаворыцца ў артыкуле.

Са звестак Стакгольмскага міжнароднага інстытута даследаванняў праблем міру, выдаткі на абарону падвоіліся да 3,4 адсотка ад валавога ўнутранага прадукту у 2019 годзе з 1,6 адсотка ў 2013 годзе.

Былы дарадца міністра абароны Украіны, кіраўнік Цэнтра абаронных рэформаў і каардынатар міжведамаснай платформы ў супрацьдзеянні гібрыдным пагрозам, які ажыццяўляе сваю дзейнасць у рамках супрацоўніцтва Украіна-NАТJ Аляксандр Данілюк, у інтэрв'ю Financial Times адзначыў, што колькасць вайскоўцаў, якія маюць баявой досвед істотна ўзрасла ў параўнанні з 2014 годам.

«Ва Украіне сёння 250 тысяч вайскоўцаў і 1 мільён рэзервістаў, 250 тысяч з якіх маюць баявы досвед. У 2014 годзе баявы досвед мелі толькі 60 тысяч салдат», - адзначыў ён.

Аана Лунгеску, афіцыйная прадстаўніца NАТО, заявіла, што сектар бяспекі і абароны Украіны «прайшоў доўгі шлях» за апошнія сем гадоў і падкрэсліла прагрэс у такіх галінах, як абароннае планаванне і вайсковая адукацыя.

Хаўруснікі Украіны, уключаючы ЗША, Канаду, Вялікабрытанію і Літву, праводзілі навучанне ўкраінскіх узброеных сіл, у той час як NАТО засяродзіла ўвагу на ўмацаванні магчымасцяў камандавання, кіравання войскамі і паляпшэнні сувязі.

«Усе гэтыя намаганні з'яўляюцца часткай намераў Кіева для выканання ўсіх неабходных стандартаў NАТО ў мэтах канчатковага далучэння да альянсу», - гаворыцца ў матэрыяле.

«Украіна інвеставала ў тэхнічны складнік. Савецкія танкі і артылерыйскія сістэмы былі адрамантаваны, супольна з Захадам было распрацаванае і атрыманае на ўзбраенне найноўшае высокадакладнае ўзбраенне, атрыманы больш за 300 процітанкавых комплексаў Javelin, былі мадэрнізаваны ракетныя сістэмы», - пішуць аўтары.

Два гады таму Украіна набыла ў Турцыі шэсць беспілотнікаў Bayraktar TB2, якія выкарыстоўваліся Азербайджанам для перамогі над Арменіяй у леташнім нагорна-карабахскім канфлікце. Украіна вядзе перамовы з Турцыяй аб набыцці яшчэ 48 адзінак.

Аляксандр Данілюк адзначыў, што ў РФ дастаткова вайсковай моцы, каб развязаць ваенную агрэсію і дасягнуць адной з мэтаў, якія стаяць перад Крамлём - забяспечыць водазабеспячэнне акупаванага Крыма.

«Але ці гатовы Крэмль заплаціць за гэта плату?», - падсумаваў кіраўнік Цэнтра абаронных рэформаў.