У Гародні кастынг на Міс Беларусь ператварылі ў таемную аперацыю
12- 23.04.2021, 14:25
- 12,942
Раней жыхаркі Берасця і Наваполацка байкатавалі гэта мерапрыемства ў сваіх гарадах.
Учора блізу 20 удзельніц прыйшлі на адборачны тур конкурсу Міс Беларусь у Гародні, але як выбіралі прэтэндэнтак, даведацца не ўдалося, паведамляе hrodna.life.
Арганізатары не пусцілі ў залу журналістаў незалежных медыя і забаранілі ім гутарыць з канкурсанткамі. Здымаць кастынг дапусцілі толькі дзяржаўную прэсу і тэлевізію.
«Каранавірус. У нас карантын», - патлумачыў карэспандэнтам ахоўнік.
Ягоны калега праз пяць хвілін папрасіў «пакінуць памяшканне», бо паступаюць скаргі на прысутнасць старонніх.
Нагадаем, што раней такія кастынгі прайшлі ў Берасці і Наваполацку. У абодвух гарадах на ўдзел заявіліся па адной дзяўчыне.