Калі будзе праваслаўная Вербніца ў 2021 годзе: дата і традыцыі

У Вербную нядзелю хрысціяне ўспамінаюць аб урачыстым уваходзе Езуса ў Ерусалім.

У нядзелю, 25 красавіка, праваслаўныя хрысціяне ў Беларусі будуць святкаваць напярэдадні Вялікадня Вербніцу. У гэты дзень заканчваецца Вербны тыдзень, звязаны з шэрагам традыцый і забаронаў.

«Апостроф» нагадвае пра традыцыі, абрады і забароны гэтага свята.

Гісторыя і традыцыі

У Вербную нядзелю хрысціяне ўспамінаюць аб урачыстым уваходзе Езуса ў Ерусалім, дзе яго сустракалі пальмавымі галінкамі як месію, прарока і вялікага цудатворца, усклікаючы: «Гасанна, сыну Давідаваму!».

Галінкі вярбы сімвалізуюць лісце пальмы, не ўласцівае для ўкраінскіх шыротаў. Акрамя таго, яны расцвітаюць ранняй вясной, падчас свята.

З букетамі галінак вярбы па звычаю ідуць у храм, дзе ў гэты дзень праходзіць набажэнстве з запаленымі свечкамі, а пасля чытання Евангелля святары акрапляюць галінкі ў руках вернікаў святой вадой.

Згодна з паданнем, асвечаная вярба становіцца абярэгам на ўвесь год, таму ёю ўпрыгожваюць жыллё, часта яе ставяць пад абразы, калі яны ёсць у доме.

Вярнуўшыся з храма, вернікі лёгка дакранаюцца адзін аднаго галінкамі, прыгаворваючы: «Не я б'ю, вярба б'е!». Такі рытуал, нібыта дапамагае пазбавіцца ад сурокаў і злых духаў.

Абрады і прыкметы

Існуе прыкмета, што, калі на Вербніцу высадзіць пакаёвыя расліны з вялізным тоўстым лісцем, якія не завянуць цягам месяца, то ў доме не будуць мець патрэбу ў грошах.

Добрай прыкметай уважаецца ўбачыць птушку на Вербніцу і накарміць яе. Гэта таксама, нібыта, прыцягвае багацце.

На Вербніцу часам ядуць свежыя пупышкі з асвячоных галінак, запіваючы святой вадой, каб засцерагчыся ад хваробы.

Хворае дзіця, паводле павер'яў, варта акрапіць святой вадой, акунуўшы ў яе галінку вярбы.

Калі мыцца вадой з вербнымі пупышкамі або пакласці іх пад падушку, то можна пазбавіцца ад бессані.

Забароны на Вербніцу

У Вербную нядзелю не займаюцца цяжкай фізічнай працай, пазбягаюць гатавання, мыцця, уборкі. Нельга таксама працаваць у полі ці агародзе, хатняе быдла не выганяюць на пашу.

Таксама ў гэты дзень забаронена стрыгчы пазногці, галіцца, фарбавацца і мыцца. Нельга ў свята лаяцца, сумаваць, сварыцца з блізкімі і сябрамі. Пры гэтым варта пазбягаць шумных вячорак і весялосці.