Аляксей Навальны абвясціў пра спыненне галадоўкі

Палітык прыняў пастанову на рэкамендацыі сваіх лекараў.

Расейскі апазіцыйны палітык Аляксей Навальны абвясціў аб выхадзе з галадоўкі. У паведамленні ў Instagram ён патлумачыў гэта тым, што яго абследавалі грамадзянскія медыкі і рэкамендацыяй сваіх лекараў.

«Як казала Аліса з «Краіны цудаў»: тут трэба бегчы, каб застацца на месцы. А каб кудысьці дабрацца, трэба бегчы ўдвая хутчэй.

Я бег, стараўся, падаў, абвяшчаў галадоўку, але ўсё адно без вашай дапамогі толькі разбіў сабе лоб.

Дзякуючы велізарнай падтрымцы добрых людзей па ўсёй краіне і па ўсім свеце, прагрэсу мы дамагліся вялізнага. Два месяцы таму на мае просьбы аб медыцынскай дапамозе хмыліліся, ніякія лекі не давалі і не дазвалялі іх перадаваць. Месяц таму мне смяяліся ў твар на фразы тыпу: «А можна мне даведацца мой дыягназ?» і «Ці магу паглядзець уласную медкарту?».

Дзякуй вам - цяпер мяне двойчы абследаваў кансіліум грамадзянскіх лекараў. Апошні раз проста перад мітынгам. Мне робяць даследаванні і аналізы і аддаюць вынікі і заключэнні.

Лекары, якім я цалкам давяраю, учора зрабілі заяву аб тым, што мы з вамі дамагліся дастаткова, каб я адмовіўся ад галадоўкі. Ну і - скажу шчыра - іх словы пра тое, што аналізы паказваюць: «праз мінімальны час лячыць не будзе каго»... ммм...здаюцца мне вартымі ўвагі.

Яшчэ адным аргументам, які стаў для мяне магчыма больш важным, стала тое, што ў знак салідарнасці са мной галадоўку пачалі некалькі розных людзей, у тым ліку прадстаўнікоў «Маці Беслана». У мяне слёзы з вачэй пацяклі, калі я прачытаў гэта. Божа, ды я нават не знаёмы з гэтымі людзьмі, а яны ідуць на такое для мяне.

Сябры, маё сэрца поўнае любові і падзякі да вас, але я не хачу, каб нехта праз мяне адчуваў фізічныя пакуты. Патрабаванне дапусціць да мяне неабходнага лекара я не здымаю - у мяне знікае адчувальнасць участкаў рук і ног, і я хачу зразумець, што гэта і як гэта лячыць, але з улікам прагрэсу і ўсіх абставінаў, пачынаю выхад з галадоўкі. Паводле правіл гэта зойме тыя ж 24 дні і, кажуць, гэта нават цяжэй. Так што пажадайце ўдачы.

Яшчэ раз: гэта выключна ваша заслуга. Добрых неабыякавых людзей па ўсім свеце. Дзякуй вам, я вас не падвяду», - напісаў палітык.