Украіна прапанавала Нетаньяху стаць пасярэднікам на перамовах з РФ

Пра гэта паведаміў украінскі амбасадар у Ізраілі.

Украіна прапанавала прэм'ер-міністру Ізраіля Біньяміну Нетаньяху стаць пасярэднікам падчас перамоў Кіева з Масквой. Пра гэта ў эфіры тэлеканалу i24News заявіў украінскі амбасадар у Ізраілі Яўген Карнійчук.

«Рады паведаміць, што прэм'ер-міністр не сказаў «не». Ён заявіў, што будзе імкнуцца зрабіць усё, што ў яго сілах. Мы рады, што спадар Нетаньяху не адхіліў гэтую місію, а наадварот - ён прадэманстраваў сваю цікавасць і жаданне дапамагчы», - распавёў Карнійчук.

З яго слоў, прапанова была зроблена Нетаньяху, бо ў ізраільскага прэм'ера добрыя дачыненні і з расейскім прэзідэнтам Уладзімірам Пуціным, і з лідарам Украіны Уладзімірам Зяленскім.