Беларусь адключыла транспамежныя лініі электраперадач з Літвой
14- 8.04.2021, 9:04
- 37,216
У чым прычына?
У Беларусі пачаліся выпрабаванні энэргасістэмы ў рэжыме ізаляцыі ад Літвы. Адключаныя трансгранічныя лініі электраперадач.
Як паведамляе прэс-служба, выпрабаванні закліканыя праверыць надзейнасць працы энэргасістэмы з улікам планаў краін Балтыі выйсці з кальца БРЭЛЛ з наступнай сінхранізацыяй сетак з астатняй часткай Еўразвязу.
У рамках 24-гадзінных выпрабаванняў адключаюцца высакавольтныя лініі, вядзецца назіранне за рэжымам працы энэргасістэмы, а затым лініі ўключаюцца з выкананнем патрабаванняў бяспекі. Аналагічныя выпрабаванні будуць праведзеныя 11 красавіка.
Работы ўзгодненыя з сістэмнымі аператарамі краін БРЭЛЛ.