Беларусь стала найбуйнейшым хабам кантрабанды цыгарэт у Еўропе

Тытунёвыя вырабы разыходзяцца ва ўсе кірункі: Украіна, Расея, Літва, Латвія і далей.

Стварыць такую сістэму без удзелу дзяржавы проста немагчыма. Ля стырна схемы стаіць бізнэсовец-падбрэхіч Алексін, канчатковым бенефіцыярам, без сумненняў, з'яўляецца аграфюрэр.

У схематозе задзейнічаныя ўсе рэсурсы: МУС, памежнікі, тытунёвыя заводы, звычайныя беларускія прадпрыемствы. Мы ўжо трохі распавядалі аб тым, што адно са звёнаў ланцуга - «Гродна Азот», аднак у схематоз уцягнутыя і іншыя заводы і фабрыкі, але пра гэта пазней.

Для пачатку пазначым аб'ёмы бяды, якая звалілася на Еўропу, ЕАЭС і Украіну. Пры гэтым трэба разумець, што кантрабанда цыгарэт працуе такім чынам, што ў разлікі закладваецца тое, што на мытні зловяць дзве-тры фуры з пяці (ну, не можа ж мытня заплюшчыць вочы на ўсю плынь). Але маржа настолькі высокая, што ўсе страты атрымліваецца перакрываць і атрымліваць на рукі сотні мільёнаў даляраў.

Такім чынам, мы з Майкам прааналізавалі аб'ём кантрабанды, з пачатку 2020 года, гэта значыць за 15 месяцаў. Тут, аднак, што патрапіла ў СМІ - беларускія і сумежных дзяржаў. У гэты аналіз мы не ўключылі 3,4 млн пачкаў, якія летась накрыў Еўрапол. Такім чынам:

Расея - 4,6 млн пачкаў

Польшча - 4,5 млн пачкаў

Літва - 4,3 млн пачкаў

Украіна - 2,3 млн пачкаў (у 2019 годзе было ўсяго 440 тысяч пачкаў)

Латвія - 1,3 млн пачкаў

Разам за 15 месяцаў - амаль 100 выпадкаў кантрабанды, 17 млн пачкаў або 340 млн цыгарэт (напэўна мы з Нікам нешта прапусцілі - вал паведамленняў на гэту тэматыку вельмі высокі). Нагадаем, што гэта толькі тое, што злавілі. Значыць, рэальна кантрабанда ў некалькі разоў вышэйшая.

Напрыклад, Літва дала справаздачу аб тым, што Беларусь спрабавала завезці ў 2020 годзе 15,4 млн пачкаў (у 2019 - 8,2 млн). Акцэнт на Літву зразумелы - вельмі хочацца перапраўляць цыгарэты ў Вялікабрытанію, дзе маржа павялічваецца ў разы (пачак каштуе 10-16 даляраў).

Для разумення - гарадзенская тытунёвая фабрыка вырабляе блізу 32 млрд цыгарэт на год (1,6 млрд пачкаў). Унутранае спажыванне ацэньваецца на 16-17 млрд. Астатняе - кантрабанда.

Акрамя гарадзенскай тытунёвай фабрыкі ёсць яшчэ два заводы ў Менску - «Тытунь-Інвест» нашага старога знаёмага Тапузідзіса (на 2015 год аб'ём вытворчасці блізу 7 млрд цыгарэт на год) і «Інтэр Табакко» Алексіна. Спецыялісты ацэньваюць агульны аб'ём вытворчасці цыгарэт у Беларусі - 67 млрд штук (3,35 млрд пачкаў) У Ніка ёсць інфармацыя аб тым, што не так даўно Алексін думаў пашырыць бізнэс і закупіць яшчэ некалькі машын для вытворчасці цыгарэт. Аднак нямецкая кампанія Hauni адмовіла ў пастаўцы.

У статыстыцы Белстату ўсе лічбы аб цыгарэтах засакрэчаныя з 2015 года. Па-першае, каб было зручней красці. Па-другое, каб не бачыць рэальных лічбаў выкарыстання цыгарэт у краіне.

Каб рэалізаваць такую колькасць кантрабанды, трэба пастарацца. Таму ў ход ідуць усе магчымыя варыянты. Цыгарэты перапраўляюць разам з угнаеннямі, нафтавымі прадуктамі, цягнікамі, фурамі - як хочаце. Асабліва павялічыўся трафік на пачатку 2021 года. Яно і зразумела - грошы ў хунты заканчваюцца.

У другой частцы раскажам пра прадпрыемства, якое дапамагае займацца кантрабандай цыгарэт. Не пераключайцеся, будзе вельмі «инцярэсна». І нечакана.

Telegram-канал «Нік і Майк»