Зяленскі адправіўся на Данбас, каб сустрэцца з вайскоўцамі на перадавой
21- 8.04.2021, 12:31
- 3,998
Прэзідэнт Украіны наведае пазіцыі, дзе вораг парушыў рэжым спынення агню.
Прэзідэнт Украіны Уладзімір Зяленскі пачаў рабочую паездку на Данбас, дзе мае намер сустрэцца з украінскімі вайскоўцамі, якія нясуць службу на перадавой, паведамляецца на сайце кіраўніка Украіны.
"Кіраўнік дзяржавы наведае перадавыя пазіцыі, дзе апошнім часам сістэматычна парушаецца рэжым усёабдымнага і ўстойлівага спынення агню і дзе ў выніку варожых абстрэлаў загінулі і былі параненыя ўкраінскія абаронцы. Уладзімір Зяленскі едзе на Данбас як вярхоўны гетман, каб пагутарыць з вайскоўцамі і падтрымаць баявы дух абаронцаў", - гаворыцца ў паведамленні.
Нагадаем, што гетман Узброеных сіл Руслан Хомчак заявіў, што Расея сцягвае войскі да межаў Украіны. Расе рыхтуецца да вайсковых вучэнняў у Бранску і акупаваным Крыме.
На нарошчванне вайсковай прысутнасці Расеі паблізу ўкраінскіх межаў адрэагавалі ў ЗША. Вашынгтон ўстурбаваны такімі дзеяннямі расейскага войска.
У Крамлі ж заявілі, што сцягванне расейскіх войскаў да мяжы з Украінай не павінна нікога турбаваць.
Пры гэтым украінскі бок падчас перамоў ТКГ плануе прапанаваць увядзенне на Данбасе "велікоднага замірэння", распавёў кіраўнік дэлегацыі Леанід Краўчук.
Таксама 5 красавіка стала вядома, што Злучаныя Штаты звярнуліся ў Маскву па тлумачэнні ў сувязі з перамяшчэннем расейскіх войскаў ля межаў Украіны.