21 красавiка 2021, Серада, 7:35
Сім сім, Хартыя 97!
Рубрыкі

Як скарачаецца колькасць супрацоўнікаў заводаў: мінус дзве тысячы за 5 гадоў толькі на адным прадпрыемстве

5
Як скарачаецца колькасць супрацоўнікаў заводаў: мінус дзве тысячы за 5 гадоў толькі на адным прадпрыемстве
Фота: bymedia

Толькі за 1 год з МАЗа сышлі 670 супрацоўнікаў.

Улады ў шэраг сваіх дасягненняў увесь час заносяць тое, што яны здолелі «захаваць заводы». Але ці захавалася на гэтых самых заводах колькасць працоўных месцаў, якая была раней? Пра гэта расказвае «Радыё Свабода».

МТЗ

У 2015 годзе на Менскім трактарным заводзе, згодна з парталам каштоўных папер (portal.gov.by), працавалі 17 891 чалавек, у 2020-м - 15 753. За 5 гадоў колькасць супрацоўнікаў зменшылася больш чым на 2 тысячы чалавек, або на 12% усіх супрацоўнікаў.

МАЗ

Менскі аўтамабільны завод толькі за 2019 год страціў 670 супрацоўнікаў. Усяго за 5 гадоў колькасць супрацоўнікаў скарацілася з 17 535 да 15 599 чалавек. Амаль на 2 тысячы чалавек менш за 5 гадоў, або мінус 11% супрацоўнікаў.

«Гродна Азот»

У 2015 годзе на «Гродна Азоце» працавалі 7749 чалавек, у пачатку 2020-га - 7475, колькасць супрацоўнікаў за 5 гадоў зменшылася больш чым на 200 чалавек, або на 3,5%. У 2020 годзе паводле палітычных матываў - за далучэнне да страйку - з завода звольнілі яшчэ як мінімум 30 чалавек.

«Гомсельмаш»

За 5 гадоў на «Гомсельмашы», які летась паказваў чыстую страту, скарацілі толькі 28 чалавек. У 2015 годзе на заводзе працавалі 8038 чалавек, у пачатку 2020 года -8010. Колькасць супрацоўнікаў зменшылася на 0,3%.

БМЗ

На Жлобінскім БМЗ у 2015 годзе працавалі 11 183 чалавекі, у пачатку 2020 - 10 725. За 5 гадоў колькасць супрацоўнікаў зменшылася амаль на 500 чалавек, або на 4%. Толькі за 2019 год колькасць супрацоўнікаў на БМЗ зменшылася на 277 чалавек.

МЗКЦ

Колькасць супрацоўнікаў МЗКЦ за 5 гадоў зменшылася больш чым на тысячу чалавек. У 2015 годзе на заводзе працавалі 5281 чалавек, у 2020 годзе - 4234. Колькасць супрацоўнікаў зменшылася на 20%. Толькі за 2019 год супрацоўнікаў стала менш на 307 чалавек.

«Нафтан»

На флагмане беларускай нафтаперапрацоўкі - «Нафтане» ў 2015 годзе працавалі 10 730 чалавек, праз 5 гадоў - менш на 700 чалавек, або на 6,5%.

Мінус 60 тысяч за 4 гады

Усяго ў прамысловасці Беларусі ў 2015 годзе працавалі 936,8 тысячы чалавек, у 2019-м - 875,6 тысячы. То бок, за 4 гады ў прамысловасці стала працаваць на 60 тысяч чалавек менш.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».