Яшчэ дзве беларускі прызнаныя праведніцамі народаў свету

Любоў Дзьякава і Таццяна Лосева, якія ратавалі габрэяў ад нацыстаў падчас Другой сусветнай вайны.

Яшчэ дзве беларускі прызнаныя праведніцамі народаў свету. Гэта Любоў Дзьякава і Таццяна Лосева, якія ратавалі габрэяў ад нацыстаў падчас Другой сусветнай вайны. Медалі і дыпломы праведнікаў народаў свету ад амбасадара Ізраіля Алекса Гольдман-Шаймана атрымалі іх нашчадкі, паведамляе БелаПАН.

Цырымонія прайшла 8 красавіка ў Беларускім дзяржаўным музеі гісторыі Вялікай Айчыннай вайны ў Менску.

На пачатак мінулага года ў свеце налічвалася 27 712 праведнікаў, з якіх 669 - жыхары Беларусі.