Virgin Hyperloop рыхтуе рэвалюцыю ў сферы падарожжаў
2- 10.05.2021, 17:35
- 5,584
Амерыканская кампанія хоча запусціць камерцыйныя паездкі з хуткасцю 1200 км/г.
Хоць Virgin Hyperloop усё яшчэ знаходзіцца на ранняй стадыі, сузаснавальнік і галоўны выканаўчы дырэктар праекта Джош Гігель прагназуе запуск камерцыйных перавозак ужо ў 2027 годзе, паведамляе Reuters (пераклад - liga.net).
Са слоў Гігеля, капсулы на магнітнай падушцы будуць разганяцца ў беспаветраных вакуумных тунэлях да 1200 км/г. Капсулы будуць разлічаны на 28 пасажыраў і могуць быць адаптаваны для паездак як на вялікія, так і кароткія адлегласці, а таксама для перавозкі грузаў.
Гэта стане першым відам транспарту за апошнія 100 гадоў, які зробіць рэвалюцыю ў сферы падарожжаў, як гэта зрабілі ў свой час аўтамабілі, цягнікі і самалёты, адзначыў Гігель. «Гэта пачынаецца з таго, што два чалавекі едуць на Hyperloop. А заканчваецца тым, што сотні мільёнаў людзей едуць на Hyperloop», - сказаў ён.
Virgin Hyperloop плануе спачатку развіваць пасажырскія маршруты ў Індыі, дзе транспартная сістэма перагружаная, і ў Савудаўскую Арабію, дзе адсутнічае інфраструктура. «Гэта будзе падобна на самалёт пры ўзлёце, калі ён набірае хуткасць», - кажа Гігель.