«Як жа хочацца верыць у тое, што вось такое святкаванне 9 траўня адыдзе ў нябыт разам з сінімі пальцамі»
3- 10.05.2021, 11:49
- 4,944
І больш ніякай вайсковай тэхнікі ў горадзе не будзе.
Пісьменніца Яўгенія Пастэрнак у «Фэйсбуку» падзялілася сваімі ўражаннямі ад 9 траўня ў Менску.
«9 траўня
Калі ласка, больш ніколі!
Як жа хочацца верыць у тое, што вось такое святкаванне 9 траўня адыдзе ў нябыт разам з сінімі пальцамі.
Што ў нашым жыцці больш ніколі не будзе гэтага фальшу, гэтых сагнаных масовак, гэтых пачварных сцэнарыяў, гэтага пафасу і агратрэшу.
Мару, што налета мы абкладзе танк каля дома афіцэраў кветкамі, засунем букет яму ў дула і напішам, што: «Больш ніколі!»... І больш ніякай вайсковай тэхнікі ў горадзе не будзе.
У горадзе з'явілася шмат прыгожых сцягоў і графіці.
А ўчора высветлілася, што калі сфатаграфаваць ноччу знакамітую перафарбаваную берасцейскую вежу, то атрымліваецца БЧБ.
Вось неяк так жыццё і праступае праз усё наноснае.
Сёння 9 траўня. Мы памятаем. Мы смуткуем. Мы не дапусцім паўтарэння.
Жыве Беларусь!» - напісала Яўгенія Пастэрнак.