«У нас ёсць сіла, здольная гэтае зло перамагчы»

Яны баяцца нашай салідарнасці.

– Не так даўно фашызм перайшоў усе межы, і жыхары Новай Баравой атрымалі суткі за сэрцайкі на вокнах. Падобных справаў у Беларусі шмат, але Новая Баравая – проста квінтэсэнцыя ўсёй жудасці, на якую здольныя фашысты, піша тэлеграм-канал «МенскРазам».

Гэта тэрыторыя, дзе закон не дзейнічае зусім. Палігон і прадказанне будучыні для ўсёй Беларусі. Тое зло, супраць якога мы ўсе разам змагаемся і само існаванне якога не маем права дапусціць у нашай краіне.

Новая Баравая – месца, дзе зло адкрыла сваё сапраўднае аблічча.

Мы ўсе баімся з гэтым сутыкнуцца, але ў нас ёсць сіла, здольная гэта перамагчы. Гэта наша адзінства! Зло баіцца нас усіх разам яшчэ больш, і мы не павінны пакідаць адзін аднаго на самоце. Мы павінны зноў сабрацца і пачаць з малога: хай гэта будуць сэрцайкі – сімвал, якому ніяк нельга прыпісаць фашысцкі сэнс і які быў і ёсць з намі ад пачатку.

Для пачатку мы павінны зноў паверыць у сябе і адзін у аднаго. Таму: сэрцайкі павінны з'яўляцца на ўсіх вокнах! Разам не страшна! Пазнаёмцеся і дамоўцеся з суседзямі.

Калі асцерагаецеся, малюйце сэрцы крэйдай на асфальце, на сценах, малюйце іх памадай, клейце налепкі (не забудзьцеся пра пальчаткі)! Прыляпіце адно. Хай кожны налепіць толькі адно сэрцайка, і мы запоўнім імі ўсю Беларусь! Разам мы сіла!

Мы не павінны пакідаць адзін аднаго на самоце. Сэрцайкі павінны з'яўляцца паўсюль.