ЕЗ у найбліжэйшыя тыдні прыме новы пакет санкцый супраць рэжыму Лукашэнкі

Пра гэта заявіў высокі прадстаўнік ЕЗ у пытаннях замежнай палітыкі і палітыкі бяспекі.

Еўрапейскі Звяз працуе над новым пакетам санкцый супраць беларускага рэжыму ў сувязі з прадаўжэннем рэпрэсій супраць беларусаў і польскай суполкі.

Пра гэта, як паведамляе «Еўрапейская праўда», заявіў высокі прадстаўнік ЕЗ у пытаннях замежнай палітыкі і палітыкі бяспекі Жазэп Барэль.

З ягоных слоў, беларускі рэжым прадаўжае пераследаваць прадстаўнікоў апазіцыі.

«Мы працуем над новым пакетам санкцый у дачыненні да рэжыму Беларусі, я спадзяюся, ён будзе прыняты ў найбліжэйшыя тыдні. Гэты пакет будзе ўключаць адказ на ўсе апошнія дзеянні, у тым ліку пераслед польскай суполкі», - сказаў Барэль.

Нагадаем, у канцы лютага кіраўнік дыпламатыі ЕЗ Жазэп Барэль паабяцаў, што будзе падрыхтаваны чацвёрты пакет санкцый у дачыненні да Беларусі. Паводле інфармацыі СМІ, праца над ім прадаўжаецца з пачатку сакавіка.

У санкцыйны спіс ЕЗ ужо ўключаныя 84 фізічныя асобы і 7 юрыдычных асоб, адказных за рэпрэсіі і фальсіфікацыі на выбарах у Беларусі.