Уладзімір Клічко задумаўся пра вяртанне на рынг
4- 10.05.2021, 19:01
- 4,486
45-гадовы ўкраінскі баксёр ужо прыступіў да трэніровак.
Былы ўкраінскі баксёр Уладзімір Клічко задумаўся пра вяртанне на рынг. Пра гэта паведамляе Meta-ratings.com.ua.
Спартовец распавёў, што натхніўся прыкладам амерыканца Джорджа Формана, які ў 45 гадоў вярнуўся на рынг і вярнуў сабе званне чэмпіёна свету. Ён адзначыў, што апошнія чатыры гады думае пра гэта. Удакладняецца, што 45-гадовы Клічко ўжо прыступіў да трэніровак.
Апошні бой Клічко правёў у красавіку 2017 года. Тады ўкраінец быў накаўтаваны брытанцам Энтані Джошуа, які адабраў у баксёра тры тытулы.
Клічко валодаў тытуламі чэмпіёна свету паводле версій Сусветнай баксёрскай арганізацыі (WBO), Міжнароднай баксёрскай федэрацыі (IBF), Міжнароднай баксёрскай арганізацыі (IBO) і Сусветнай баксёрскай асацыяцыі (WBA). У яго актыве 69 баёў, у якіх ён 64 разы перамог.