21 чэрвеня 2021, панядзелак, 4:04
Сім сім, Хартыя 97!
Рубрыкі

ЕАБР адзначае інфляцыйныя рызыкі для Беларусі праз санкцыі ЗША

ЕАБР адзначае інфляцыйныя рызыкі для Беларусі праз санкцыі ЗША

Інфляцыя ўжо разгортваецца хутчэй, чым чакалі ўлады.

Еўразійскі банк развіцця адзначае рызыку ўзмацнення інфляцыйнага ціску для эканомікі Беларусі праз санкцыі ЗША ў дачыненні да беларускіх прадпрыемстваў. Пра гэта гаворыцца ў травеньскім эканамічным аглядзе, падрыхтаваным аналітыкамі ЕАБР.

Як сайт піша сайт naviny.by, у аглядзе адзначаецца, што Нацыянальны банк Беларусі зрабіў больш жорсткай грашова-крэдытную палітыку на фоне высокай інфляцыі і інфляцыйных чаканняў. Стаўка рэфінансавання 21 красавіка падвышаная на 0,75% - да 8,5%.

«З улікам павелічэння НБ РБ разліковых велічынь стандартнай рызыкі, стаўкі рынкавых крэдытаў у беларускіх рублях могуць падвысіцца на 0,5-2 адсотка. Гэта паспрыяе забеспячэнню цэнавай стабільнасці, але будзе стрымліваць спажывецкую і інвестыцыйную актыўнасць», - мяркуюць эканамісты.

На разлікі ЕАБР, падтрыманне стаўкі рэфінансавання на ўзроўні 8,5% сёлета пры захаванні Нацбанкам кантролю за грашовай прапановай можа прывесці да запаволення інфляцыі да 6,5-7% на канец года.

«Разам з тым прысутнічае рызыка ўзмацнення інфляцыйнага ціску сёлета пры рэалізацыі пагрозы скарачэння беларускага экспарту праз аднаўленне абмежавальных захадаў з боку ЗША ў дачыненні да шэрагу беларускіх прадпрыемстваў нафтахімічнага комплексу», - паказваюць аналітыкі ЕАБР.

Як паведамлялася, афіцыйны прагноз уладаў Беларусі аб інфляцыі на гэты год прадугледжваў рост спажывецкіх коштаў на 5%, аднак фактычна за першы квартал яны выраслі на 3,8%.

У наступныя кварталы, прагназуюць спецыялісты Нацбанку, інфляцыя будзе запавольвацца і за год можа скласці амаль 7%.

На фоне паскарэння інфляцыйных працэсаў сёлета Нацбанк 21 красавіка ўпершыню за апошнія шэсць гадоў павялічыў стаўку рэфінансавання (з 7,75 да 8,5%).

19 красавіка ЗША пастанавілі аднавіць санкцыі ў дачыненні да дзяржаўнага канцэрна «Белнафтахім» і васьмі беларускіх дзяржпрадпрыемстваў: Беларускага нафтавага гандлёвага дому, Belneftekhim USA Inc., ААТ «Белшына», ААТ «Гродна Азот», ААТ «Гродна Хімвалакно», ААТ «Лакафарба», ААТ «Нафтан» і ААТ «Полацк-Шкловалакно».

Асноўныя аперацыі або дзейнасць «з названымі прадпрыемствамі, кампаніямі, якімі яны валодаюць індывідуальна або калектыўна, проста ці ўскосна, маючы 50-адсоткавую або большую долю, дазволеныя да 3 чэрвеня 2021 года».

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».