У Польшчы перахапілі партыю кантрабандных цыгарэт з Беларусі на $2 мільёны

Кантрабанда ехала з Латвіі.

У Польшчы перахапілі чарговую партыю кантрабандных цыгарэт з Беларусі. На гэты раз - 500 тысяч пачкаў на 2 млн даляраў. Як піша bialystok.wyborcza.pl, грузавік, у якім знайшлі кантрабанду, ехаў з Латвіі. Яго затрымалі для праверкі каля польска-літоўскай мяжы.

51-гадовы грамадзянін Латвіі паводле дакументаў вёз корм для жывёл. Але ў скрынках былі знойдзены цыгарэты беларускай вытворчасці.

Кантрабанда цыгарэт з Беларусі рэгулярна затрымліваецца ў Польшчы.