ЦАХАЛ заявіў аб правядзенні ўнікальнай аперацыі па ліквідацыі чальцоў генштаба ХАМАС
- 12.05.2021, 15:45
- 3,966
Інфармацыя аб ліквідаваных тэрарыстах будзе апублікаваная пазней.
У сераду, 12 траўня, у Ізраілі дазволеная да публікацыі інфармацыя аб супольнай аперацыі ЦАХАЛа і ШАБАКа, якая прывяла да знішчэння вышэйшых сяброў штаба тэрарыстычнай арганізацыі ХАМАС, паведамляюць «Детали».
Гаворка ідзе пра адначасовую ліквідацыю некалькіх ключавых фігур у кіраўніцтве, звязаных з вайсковым крылом тэрарыстычнай арганізацыі ў Газе і Хан-Юнісе.
Адзначаецца, што такая складаная аперацыя стала першай у сваім родзе. Іншыя падрабязнасці пакуль не паведамляюцца.
Інфармацыя аб ліквідаваных тэрарыстах будзе апублікаваная пазней.
У ЦАХАЛ асцерагаюцца, што ХАМАС адкажа на гэтую аперацыю новым ракетным абстрэлам цэнтра краіны.