Медыкі назвалі гародніну, якая лепш за ўсё умацоўвае косткі
4- 15.05.2021, 13:25
- 10,500
Спецыялісты рэкамендуюць уключыць яе сок у рацыён.
Мільёны людзей у свеце хварэюць на астэапароз - захворванне, звязанае з стратай кальцыю ў костках. Гэтую хваробу невыпадкова называюць нябачнай, бо гадамі яна развіваецца ўпотайкі.
Эксперты расказалі, якую гародніну трэба ўжываць для прафілактыкі ўзнікнення хваробы, каб умацаваць касцяную сістэму, паведамляе u-news.com.ua.
Спецыялісты адзначылі, што свой рацыён трэба ўзбагачаць цыбуляй, а дакладней яе сокам, бо ён валодае масай карысных уласцівасцяў. Гэты прадукт багаты на супрацьзапаленчыя антыаксідантныя флаваноіды, якія могуць дапамагчы абараніць усякія пашкоджанні костак, у тым ліку ад нястачы калагену ў касцях і артэрыях.
Даследнікі з Універсітэта Бэрна ў Швайцарыі выявілі ў цыбулі злучэнне, якое памяншае страту касцяной тканкі - пептыду GPC. Падчас эксперыменту яны высветлілі, што гэтае рэчыва блакуе страту мінералаў косткамі. Гэта значыць, ужыванне цыбульнага соку можа прадухіліць страту касцяной тканкі ды дапамагчы змагацца з астэапарозам. Акрамя гэтага, цыбуля выдатна мацуе імунную сістэму, памяншае колькасць цукру ў крыві за кошт хрому, які ўваходзіць у яго склад. Таксама рэгулярнае ўжыванне прадукту зніжае ўзровень "шкоднага" халестэрыну, што вельмі добра для дзейнасці сэрцава-судзіннай сістэмы.