Менчукі атрымліваюць дзіўныя СМС ад службы занятасці

Каму яны прыходзяць і адкуль бяруць нумары тэлефонаў?

15 траўня некаторым чытачам tut.by сталі прыходзіць СМС-паведамленні з запрашэннем у службу занятасці насельніцтва «для садзейнічання ў працаўладкаванні». Атрымалі яго тыя, хто не працуе ці працуе неафіцыйна. «Не ведаю, ці варта адказваць? І чым гэта можа пагражаць акрамя аплаты 100% ЖКП?» - задаецца пытаннем адна з чытачак. У службе занятасці па адным з тэлефонаў, указаных у паведамленні, растлумачылі, што рассылка была зробленая паводле спісаў камісій занятасці насельніцтва раённых адміністрацый, прыходзіць куды-небудзь не абавязкова - «проста інфармацыя».

- Я працую, але неафіцыйна. Мяркую, што таму і трапіла ў гэтую рассылку, - кажа адна з чытачак, якая атрымала такое паведамленне. - Пару гадоў таму, калі была падобная сітуацыя, паведамленняў такога роду не прыходзіла. Прыходзіў «ліст шчасця». Плюс дзіўная сутнасць паведамлення ў цэлым, без якіх-небудзь тлумачэнняў.

Яшчэ адна чытачка распавяла, што афіцыйна не працуе ўжо два гады, але раней ёй ніколі з гэтай нагоды не тэлефанавалі і не пісалі. «Не ведаю, ці варта адказваць? І чым гэта можа пагражаць акрамя аплаты 100% ЖКП?» - задаецца яна пытаннем.

Журналісты ўдакладнілі ў суразмоўніц, ці прыцягваліся яны летась паводле артыкула 23.34 КоАП. Раней чытачы, якія затрымліваліся па гэтым артыкуле, расказвалі пра тое, што ім прыходзілі імянныя лісты ад службы занятасці з прапановай аказаць садзейнічанне ў працаўладкаванні (пры гэтым некаторыя з іх на той момант афіцыйна працавалі). Таму чытачы меркавалі, што гэтыя падзеі могуць быць звязаныя. Аднак тыя, каму прыйшлі такія паведамленні зараз, да адміністрацыйнай адказнасці не прыцягваліся.

У сталічнай службе занятасці па адным з нумароў, указаных у СМС-паведамленні, сказалі, што рассылка была зробленая паводле спісаў камісій занятасці насельніцтва раённых адміністрацый.

- Калі чалавек не працуе, калі ён хоча, можа прыходзіць на Берасцянскую, 20. Гэта па жаданні, проста інфармацыя, - удакладнілі па тэлефоне.

Якім чынам у службе занятасці аказаліся мабільныя тэлефоны тых, хто трапіў у спісы не занятых у эканоміцы, там патлумачыць не змаглі.

Нагадаем, у 2017 годзе ў сталіцы, абласных цэнтрах і іншых гарадах краіны праходзілі «маршы недармаедаў» - акцыі пратэсту супраць падатку на дармаедства, які ў наступным замянілі на аплату жыллёва-камунальных паслуг поўнымі тарыфамі.