Магілёў патанае ў чорным смогу

На тэрыторыі былога рэгенератарнага завода гарыць гума.

Сёння жыхары Магілёва з розных пунктаў назіралі, як велізарны слуп чорнага смогу паступова захоплівае горад. Выявілася, так выглядае дым ад падпаленай гумы на тэрыторыі былога рэгенератарнага завода, якую цяпер займае мясцовы вытворца гумавай крошкі ТАА «Данатон», піша «Онлайнер».

Прычына пажару пакуль невядомая. Зараз на месцы працуюць ратавальнікі.