Беларусы сабралі на аднаўленне касцёла ў Будславе больш за 325 тысячаў рублёў

Акрамя збору фінансаў, храму дапамагаюць валанцёрскай працай.

На стан вечару суботы, 15 траўня, на аднаўленне Будслаўскага касцёла было сабрана 325 033 рублі. Пра гэта паведаміў біскуп Аляксандр Яшэўскі.

– Шаноўныя прафесійныя працаўнікі, валанцёры і ўсе людзі добрай волі. Прыміце словы павагі і ўдзячнасці за вашу працу і дапамогу. Дзякуй усім ахвярадаўцам, як паасобным людзям, так і арганізацыям, – звярнуўся з удзячнасцю біскуп.

З поўнай інфармацыяй пра спосабы ахвяраванні на аднаўленне храма можна азнаёміцца тут.

Тэлеграм-канал «Адновім Будслаў разам!» паведамляе, якая дапамога ў гэты момант найбольш актуальная.

Нагадаем, што 11 траўня ў Будславе ў касцёле ўзнік пажар. Агнём быў пашкоджаны дах.