Беларусь пазбавілі права правядзення этапу Кубка свету ў біятлоне
21- 16.05.2021, 17:09
- 13,474
Прэстыжныя біятлонныя спаборніцтвы павінны былі адбыцца ў Раўбічах.
Міжнародны саюз біятланістаў наважыў не праводзіць у 2022 годзе этап Кубка свету IBU ў біятлоне ў Менску, паведамілі ў нядзелю ў арганізацыі, падае tut.by.
Прэстыжныя біятлонныя спаборніцтвы павінны былі адбыцца ў Раўбічах, аднак у IBU перагледзелі графік стартаў сезона 2021/2022.
«Пастанова аб пераносе мерапрыемства была прынятая Выканаўчым камітэтам у святле цяперашняй сітуацыі ў Беларусі і для таго, каб арганізацыйныя камітэты, нацыянальныя федэрацыі і іх каманды змаглі скласці свае планы», - гаворыцца ў паведамленні.
Такім чынам, стартавы этап Кубка адбудзецца не ў Кантыялахці (дзе пройдзе «менскі» этап), а ў швэдскім Эстэрсундэ (27-28 лістапада 2021-га). Другі этап Кубка таксама пройдзе ў Эстэрсундэ.
Нагадаем, раней з Менска быў перанесены чэмпіянат свету ў хакеі - сусветнае хакейнае першынство пройдзе з 26 траўня да 6 чэрвеня 2021 года ў Латвіі. Пазней Міжнародны саюз сучаснага пяціборства перанёс з Менска чэмпіянат свету ў пяціборстве і лазернаму бегу. У сакавіку стала вядома, што рэспубліка не прыме і камандны чэмпіянат Еўропы ў настольным тэнісе.