Ізраіль нанёс удар па штабу службы ўнутранай бяспекі ХАМАС

Сітуацыя на мяжы Ізраіля і сектара Газа застаецца напружанай ужо тыдзень.

Войска абароны Ізраіля нанесла ўдар у сектары Газа па штабу службы ўнутранай бяспекі руху ХАМАС, пішуць ізраільскія СМІ (пераклад «Интерфакса»).

Удар прыйшоўся па паўночнай частцы горада Газа. Звестак пра ахвяр не прыводзіцца.

Паводле версіі ізраільскага боку, у штабе працавалі, між іншым, члены ХАМАС, якія адказваюць за разведку.

Раніцай у панядзелак Войска абароны Ізраіля аднавіла авіяўдары па сектары Газа. ХАМАС таксама працягнуў ракетныя пускі па цывільных раёнах Ізраіля. Цяперашняе абвастрэнне канфлікту і абмен ударамі працягваюцца ўжо тыдзень.

Сітуацыя на мяжы Ізраіля і сектара Газа застаецца напружанай ужо тыдзень. Ракетныя абстрэлы тэрыторыі Ізраіля з боку Газы практычна не спыняюцца. Войска абароны Ізраіля робіць дзеянні ў адказ.

У канцы мінулага тыдня старшыня палітбюро ХАМАС Халед Машаль заявіў, што групоўка гатовая да спынення агню і перамір'я з Ізраілем. В.а. прэм'ер-міністра Ізраіля Біньямін Нетаньяху заявіў, што аперацыя супраць палестынскіх груповак у сектары Газа яшчэ не завершаная. Прадстаўнікі войска Ізраіля казалі, што першымі спыніць агонь павінны палестынцы.