У Бразіліі наймацнейшая паводка за апошнія сто гадоў
- 17.05.2021, 21:54
- 5,874
Людзі перасоўваюцца на каноэ.
У Бразіліі самая моцная паводка за апошнія сто гадоў. Пра гэта паведамляе ТСН у панядзелак, 17 траўня.
Моцныя дажджы ў найбуйнейшым штаце краіны - Амазонас - прывялі да павелічэння ўзроўню вады ў рэках. У дваццаці муніцыпалітэтах абвясцілі рэжым надзвычайнай сітуацыі - там падтопленыя цэлыя раёны, дамы і вуліцы. Мясцовыя жыхары перасоўваюцца на лодках і каноэ.
З наступствамі паводкі сутыкнуліся ўжо 350 тысяч чалавек - яны альбо эвакуяваліся, альбо захраслі ў раёнах, адрэзаных вадой ад цывілізацыі.
Непагадзь прымушае бразільскіх лекараў дастаўляць вакцыны лодкамі - ад дому да дому.