Браня над Ізраілем: як працуе «Жалезны купал»

Сусветныя СМІ ацанілі сістэму перахопу ракет тэрарыстаў.

17 траўня ізраільская эканамічная газета «Глобс» апублікавала падборку меркаванняў сусветных СМІ аб ізраільскай супрацьракетнай сістэме «Жалезны купал», якая стала ледзь не галоўным героем новай вайны ў сектара Газа, пішуць «Дэталі».

Нямецкі «Більд» назваў яго «ізраільскай цуд-зброяй». Французская «Ле Парызе» апісала «Купал», як «адну з асноў сённяшняй ізраільскай сістэмы абароны», і дадала: «Праца «Жалезнага купала» ператварае неба над Тэль-Авівам у страшны феерверк».

Шмат якія газеты адзначаюць выключна высокую эфектыўнасць «Жалезнага купала», чый ніжні паказчык складае не менш за 90 адсоткаў.

Італьянская «Кор’ерэ дэла сера» адзначыла, што, спрабуючы прабіць абарону «Жалезнага купала», ХАМАС перайшоў да залпавага агню. Пра гэта напісана пад загалоўкам «Браня «Жалезнага купала» трэснула». А іншая італьянская газета «Ля рэпубліка» выйшла пад загалоўкам «У гэтыя дні міф «Жалезнага купала» правяраецца зноўку».

У той жа час лонданская «Файнэншенл таймс» ацаніла здольнасць «Жалезнага купала» прадухіліць вялікія страты сярод цывільнага насельніцтва: «Калі Ізраіль бамбуе Газу, палестынцам амаль няма куды схавацца. Але калі палестынцы страляюць ракетамі па габрэйскай дзяржаве, яе грамадзяне могуць разлічваць на адну з самых удалых сістэм супрацьракетнай абароны».

Але тут жа дададзена, што «каласальны маштаб абстрэлу на гэтым тыдні кінуў ізраільцян у шок і выклікаў страх у тых кварталах, дзе ракеты ўсё ж прабілі абарону».

Таксама сусветная прэса зладзіла жывое абмеркаванне таго, ці не стаў «Жалезны купал» з яго паспяховым адбіццём нападаў з абодвух бакоў мячом для Ізраіля, таму што яго абарона такая добрая, што толькі падаўжае канфлікт з Хамасам, не даючы перамогі ні аднаму з баку.

З гэтай нагоды «Вашынгтон пост» напісала: «З такім жа поспехам можна сказаць, што бронекамізэлька не прыносіць карысці паліцыянтам».