Сяргей Дылеўскі: Нашы патрабаванні нязменныя
5- 18.05.2021, 15:27
- 4,324
Каб іх выканаць, трэба абвсціць страйк.
Сёння адзін з лідараў страйкаму на Менскім трактарным заводзе Сяргей Дылеўскі заявіў аб стварэнні «Беларускага аб'яднання працоўных», а таксама зачытаў яго маніфест:
- Рабочыя - аснова ўсякай дзяржавы. На нас трымаецца эканоміка краін. Дзякуючы нашаму голасу прэзідэнты становяцца абранымі. Мы выбіраем, якім шляхам будзе развівацца дзяржава. І нас не задавальняе той шлях, па якім рухаецца Беларусь цяпер.
Гэта наш голас не палічылі важным. Гэта нашу працу не паважаюць. Гэта нас і нашых дзяцей саджаюць у турмы і збіваюць.
Мы - аб'яднанне рабочых Беларусі - супраць.
Нашы патрабаванні:
- Вызваленне ўсіх палітвязняў і нявінна асуджаных.
- Адстаўка Лукашэнкі і правядзенне новых, сумленных выбараў.
- Расследаванне і пакаранне ўсіх вінаватых у катаваннях над мірным насельніцтвам.
Як мы гэтага даможамся?
Для гэтага нам неабходна выйсці на страйк. Усім разам, ва ўсёй краіне, адзін раз і датуль, пакуль нашы патрабаванні не будуць выкананыя.
Што мы робім пасля перамогі над рэжымам?
Нам давядзецца справіцца з яго наступствамі: агідныя ўмовы працы, паўразваленыя заводы, гнілая тэхніка і многае іншае.
Мы абвяшчаем страйк не проста для таго, каб скінуць рэжым. Мы робім гэта для таго, каб на яго руінах пабудаваць новую Беларусь.