Юлія Чарняўская знаходзіцца пад канвоем у менскай лякарні
4- 18.05.2021, 15:45
- 14,358
У яе праблемы з сэрцам.
Як стала вядома праваабаронцам з «Вясны», удава заснавальніка tut.by Юрыя Зісера Юлія Чарняўская знаходзіцца ў адной з менскіх лякарняў. У яе праблемы з сэрцам. Юлія Чарняўская знаходзіцца пад канвоем.
Нагадаем, сёння ўранку ў офіс tut.by, да рэдактараў выдання і ў рэдакцыю av.by прыйшлі сілавікі з ДФР. Камітэт дзяржаўнага кантролю завіў БелТА, што распачатая крымінальная справа. Службовых асоб партала абвінавачваюць нібыта ва «ўхіленні ад выплаты падаткаў».
«18 траўня ў дачыненні да службовых асоб ТАА «ТУТ БАЙ МЕДЫА» распачатая крымінальная справа паводле прыкмет складу злачынства, прадугледжанага ч.2 арт.243 КК (ухіленне ад выплаты сум падаткаў, збораў у асабліва значнай суме)», - паведамілі ў КДК.
Сайт tut.by на гэты момант заблакаваны.