Чарговую партыю кітайскай вакцыны прывезлі ў Беларусь

Гэта гуманітарная дапамога ад Кітая.

Раніцай 18 траўня з Пекіна ў Менск вылецеў грузавы самалёт, на борце якога – гуманітарная дапамога. У другой палове дня самалёт паспяхова прызямліўся ў менскім аэрапорце.

– На аэрадроме Мачулішчы прызямліўся ваенна-транспартны самалёт Іл-76МД з гуманітарнай дапамогай ад Кітайскай Народнай Рэспублікі. На борце – кітайская вакцына ад каранавірусу, – гаворыцца ў паведамленні Мінабароны Беларусі.

Вакцыну супраць COVID-19, якая прыехала ў Менск, распрацавала фармкарпарацыя Sinopharm, удакладнілі ва ўстанове.