«Мяркуючы са справаздач з рэгіёнаў, галодныя бунты пачнуцца адтуль»
1- 5.05.2021, 10:06
- 9,818
Проста на фоне рапартаў начальства, пра тое як у іх усё файна.
Лукашэнка ж надумаў бамбіць, напрыклад... Вайроўку, піша ў «Фэйсбуку» беларуская пісьменніца Яўгена Пастэрнак.
У адказ на санкцыі запатрабаваў інфармацыю аб еўрапейскіх праектах унутры краіны, каб паглядзець на іх працу. Чым скончыцца гэтае «паглядзець», мы прыкладна ўяўляем.
План - агонь! Пакінуць без працы ўсіх, хто працаваў у еўрапейскіх праектах - гэта геніяльна. І своечасова.
Наша эканоміка кожны месяц б'е ўласныя рэкорды. 1 красавіка 2021 года ўнутраная дзяржаўная запазычанасць Беларусі склала 11,763 мільярда рублёў. Папярэдні рэкорд пратрымаўся месяц.
А колькі рэкордаў яшчэ наперадзе!
Расейская нафта ў траўні ўсё ж такі будзе, але ў 2.2 разы менш, чым трэба. Але амерыканскія санкцыі пакуль не пачалі дзейнічаць, так што гэта толькі пачатак.
А мяркуючы са справаздач з рэгіёнаў, там усё разбураецца з такой галавакружнай хуткасцю, што, відавочна, галодныя бунты пачнуцца адтуль. Проста на фоне рапартаў начальства, пра тое як у іх усё файна.