Навукоўцы высветлілі сувязь паміж групай крыві і прыхільнасцю чалавека да алкаголю

Даследаванне правялі ў ЗША.

Найбольшую схільнасць да алкагалізму маюць людзі з другой групай крыві. Да такой высновы пасля даследавання прыйшлі навукоўцы са Злучаных Штатаў Амерыкі, паведамляе MedicalXpress (пераклад - lenta.ua).

Вызначыць прычыну ўразлівасці ўладальнікаў другой групы крыві перад спіртным аўтарам навуковай працы не ўдалося. Навукоўцы дапусцілі, што правакаваць алкагалізм здольны стрэс. Пры гэтым з'явілася ў спецыялістаў і іншая гіпотэза. Яны выказалі здагадку, што на схільнасць заахвоціцца да спіртнога ўплываюць асаблівасці працы наднырачнікаў. У людзей другой групы яны правакуюць недахоп глюкозы ў крыві. Адчуваючы недахоп цукру, арганізм спрабуе яго кампенсаваць на падсвядомым узроўні. У выніку ўзнікае цяга да спіртных напояў.

Каб зменшыць негатыўны ўплыў алкаголю, аўтары даследавання рэкамендуюць людзям з другой групай крыві перайсці на чырвонае віно. Гэты напой, паводле звестак шэрагу навуковых прац, паляпшае працу страўнікава-кішачнага тракту і спрыяе растварэнню халестэрынавых бляшак. Да таго ж у віна меншая каларыйнасць.

Дастаткова ўстойлівымі да ўплыву алкаголю апынуліся носьбіты першай групы крыві. Самым моцным імунітэтам у дачыненні да спіртнога з'яўляюцца ўладальнікі IV групы. Людзі з крывёй А (II) таксама больш за астатніх схільныя да іншых захворванняў.