Амерыканскі баец Джэф Монсан стаў падманутым дольшчыкам у Расеі

Ён страціў грошы, якія ўклаў у нерухомасць у Сочы.

Былы баец змешанага стылю (ММА), дэпутат Савета дэпутатаў Краснагорску Джэф Монсан стаў падманутым дольшчыкам. Пра гэта паведамляе Telegram-канал Двач/Ньюсач.

50-гадовы амерыканец набыў жыллё ў ЖК, які будуецца ў Сочы, але так і не атрымаў ключоў ад кватэры. Монсан прыбыў на сход падманутых дольшчыкаў, дзе даведаўся, што забудоўшчык збанкрутаваўся. Паводле дамовы, аб'ект павінен быў быць здадзены яшчэ ў 2018 годзе. Адміністрацыя горада абвясціла, што знайшла новага падрадчыка.

Монсан атрымаў расейскі пашпарт у траўні 2018 года. Амерыканец выбраны ў Савет дэпутатаў Краснагорску ад партыі «Адзіная Расія». Ад грамадзянства ЗША ветэран MMA адмовіўся.

Монсан прытрымліваецца радыкальных левых поглядаў і ўважае сябе анархістам. На грудзях спартоўцам можна ўбачыць татуіроўку ў выглядзе чырвона-чорнай зоркі - сімвала анарха-камунізму. На баі амерыканец выходзіў пад гімн СССР. На рахунку Монсана 61 перамога пры 26 паразах.