Прэзідэнт Ізраіля даручыў сфармаваць новы ўрад лідару апазіцыйнай партыі «Еш Атыд»

Беньямін Нетаньяху пазбаўляецца шанцаў утрымаць прэм’ерскае крэсла.

Прэзідэнт Ізраіля Рэўвен Рыўлін у сераду перадаў мандат на фармаванне новага ўрада краіны лідару партыі «Еш Атыд» Яір Лапіду, паведамляе The Times of Israel.

«Прэзідэнт Рыўлін заявіў, што даручыў лідару «Еш Атыд» Яіру Лапіду сфармаваць урад», - гаворыцца ў паведамленні.

У Лапіда будзе 28 дзён на тое, каб правесці кааліцыйныя перамовы.

Выданне адзначае, што ў 120-мясцовым кнесеце (парламенце Ізраіля) Лапіда падтрымліваюць 56 заканадаўцаў.

Рыўлін даручыў Лапіду сфармаваць новы ўрад, бо краіна была ў стане палітычнай нявызначанасці пасля чатырох выбараў у Кнэсет (парламент) усяго за два гады. Згодна з заявай, у лідара партыі «Еш Атыд» больш шанцаў на тое, каб стварыць кааліцыю. «Стала ясна, што ў Яіра Лапіда ёсць магчымасць сфармаваць урад, які зможа атрымаць падтрымку Кнэсета, але на гэтым шляху шмат складанасцяў», - сказаў прэзідэнт Ізраіля.