Politico назвала магчымыя месцы для сустрэчы Пуціна і Байдэна

Некаторыя краіны ўжо прапанавалі для гэтага свае гарады.

Сустрэча прэзідэнта Расеі Уладзіміра Пуціна і прэзідэнта ЗША Джо Байдэна можа прайсці ў Рэйк'явіку, Празе, Любляне або Баку, цытуе выданне Politico сайт The Insider.

«У той час як прэзідэнт Джо Байдэн і прэзідэнт Расеі Уладзімір Пуцін рыхтуюцца да патэнцыйнай асабістай сустрэчы, іх памочнікі спрабуюць вызначыць найлепшае месца...», - піша выданне.

Яно адзначае, што некаторыя краіны ўжо прапанавалі свае горада ў якасці патэнцыйных пляцовак для правядзення мерапрыемстваў. Сярод іх Швайцарыя, Фінляндыя і Аўстрыя.

Між тым былыя амерыканскія чыноўнікі і аналітыкі паведамілі газеце, што не варта выключаць і іншыя гарады ў якасці магчымага месца сустрэчы. Напрыклад, сустрэча можа прайсці ў сталіцах Ісландыі, Чэхіі, Славеніі або Азербайджана.

4 траўня Байдэн заявіў, што ён «спадзяецца і чакае» сустрэчы з Пуціным, калі адправіцца ў Еўропу ў сярэдзіне чэрвеня для сустрэч з лідарамі NATO, на саміт G7 і саміт ЗША-ЕЗ.

Выданне нагадвае, што ў сярэдзіне красавіка паведамлялася, што чыноўнік Чэскай Рэспублікі прапанаваў прыняць Пуціна і Байдэна. Але гэта запрашэнне, магчыма, больш не будзе дзейнічаць, бо стасункі паміж Прагай і Масквой з тых часоў значна пагоршыліся.

17 красавіка Чэхія абвясціла аб высылцы 18 расейскіх дыпламатаў, заявіўшы аб датычнасці Масквы да выбуху на складзе боепрыпасаў ва Врбетыцэ ў 2014 годзе. 22 красавіка Чэхія яшчэ раз абвясціла аб скарачэнні расейскай дыпмісіі. Яе прыкладу перанялі Славакія, Латвія, Літва і Эстонія. У адказ Расея выслала дыпламатаў гэтых краін.

Вашынгтон падтрымаў Чэхію і выклікаў часовага паверанага ў справах Расеі ў ЗША ў Дзярждэп праз «дэстабілізацыйныя дзеянні» Расеі.