У Беларусі з'яўляюцца поштаматы
4- 6.05.2021, 19:01
- 10,556
Дзе яны ёсць і ў чым іх перавага.
Пра тое, што ў першым паўгоддзі 2021-га года ў Беларусі з'явіцца блізу 20 поштаматаў, паінфармавала гендырэктар «Белпошты» падчас прэс-канферэнцыі. Плануецца, што ўсяго па ўсёй Беларусі будзе блізу 140 поштаматаў, паведамляе kp.by.
Дарэчы такія прылады, якія дазваляюць атрымаць паштовае ўкладанне кругласутачна без наведвання паштовага аддзялення, ужо ўстаноўлены ў некаторых гарадах. На сайце «Белпошты» паведамляюць пра два дзясяткі поштаматаў з прысвоенымі нумарамі, якія ёсць ужо ў Менску, Магілёве, Гомелі, Горадні, Берасці, Віцебску, Оршы, Бабруйску, Барысаве і Лідзе.
Са слоў генеральнай дырэктаркі прадпрыемства Святланы Юркевіч, акрамя развіцця сеткі поштаматаў, «Белпошта» мае намер і далей развіваць і пашыраць сучасныя паслугі.
Так у 2020-ым годзе пачаў працаваць праект «Мабільны паштальён» - дадатак у паштароў, які дазваляе аказваць анлайн-паслугі на даму ў кліентаў (даступны ў 11 раёнах Беларусі - Заўвага.).
А таксама мабільны дадатак, які дазваляе кліентам у анлайн-рэжыме адсочваць статус свайго паштовага адпраўлення, выбіраць зручнае аддзяленне для атрымання, заказваць кур’ера і гэтак далей.
- Сёння беларуская пошта - гэта сучаснае тэхнічна абсталяванае прадпрыемства, якое аказвае кліентам не толькі паштовыя паслугі, але і іншыя, у тым ліку фінансавыя, страхавыя, банкаўскія, кур'ерскую, - рэзюмавала гендырэктарка «Белпошты».