Хірурга Андрэя Любецкага пакінулі за кратамі на два месяцы?
8- 6.05.2021, 21:43
- 9,234
Медык 18 гадоў адпрацаваў у чацвёртай дзіцячай бальніцы Менска.
Хірург Андрэй Любецкі, аб затрыманні якога стала вядома 4 траўня, праз тры дні не быў вызвалены. Яго пакінулі за кратамі на 2 месяцы, паведамляе тэлеграм-канал @menskrazam_info. У чым абвінавачваюць Любецкага, невядома. У адваката падпіска аб невыдаванні, паведамляе euroradio.fm.
Нядаўна жонка Андрэя Любецкага, лекарка-стаматолаг Наталля Любецкая, з чатырма дзецьмі з'ехала за мяжу. Тры дні яна правяла ў СІЗА КДБ. У красавіку Любецкі выказваў надзею, што застанецца з сям'ёй у Беларусі, але выйшла інакш.
Любецкі 18 гадоў адпрацаваў у 4-й дзіцячай бальніцы Менска. Летась ён быў валанцёрам пад Акрэсціна. У кастрычніку 2020-га хірург правёў два дні за кратамі, быў аштрафаваны.