9 траўня цэнтр Менска закрыюць для аўто і грамадскага транспарту

Апублікаваны спіс вуліцаў.

У нядзелю, 9 траўня, у цэнтры Менска перакрыюць рух і для аўтамабіляў, і для грамадскага транспарту, паведамляе тэлеграм-канал ДАІ.

З 7-й да заканчэння святочных мерапрыемстваў у першай палове дня рух транспарту, акрамя грамадскага, будзе часова абмежаваны па праспекце Незалежнасці ад вуліцы Янкі Купалы да вуліца Казлова, на вуліцы Захарава ад праспекта Незалежнасці да вуліцы Першамайскай, а таксама на вуліцы Кісялёва ад праспекта Незалежнасці да вуліцы Чырвонай. З 9-й рух усіх відаў транспарту будзе закрыты цалкам.

Пры правядзенні вечаровых мерапрыемстваў з 18-й на названых адрэзках вуліцаў зноў закрыюць рух асабістага аўтатранспарту, а з 19-й – і грамадскага.

Увечары з 18-й гэтыя ж адрэзкі вуліцаў будуць закрытыя для руху асабістага транспарту, з 19-й – для ўсіх відаў транспарту.