Адважны кот прымусіў уцякаць «вартавога парадку» і стаў зоркай сеціва
3- 8.05.2021, 13:55
- 10,228
Кур'ёзны выпадак адбыўся ў Брытаніі.
Калі васьмімесячны сабака з мянушкай Бінга ўбачыў у садзе суседскага ката, ён хацеў як мага хутчэй выгнаць прэч няпрошанага госця, піша 120.su.
Жыхары Вялікай Брытаніі, тыя, хто зняў гэты відэаролік, выпусцілі свайго чатырохногага забіяку на вуліцу, і той панёсся аднаўляць недатыкальнасць прыватнай уласнасці. Вось толькі ў Бінга нічога не атрымалася.
Яму трапіўся адважны кот, які ўпэўнены, што мае права сядзець там, дзе яму заманецца. У выніку ролі памяняліся, і беднаму маладому сабаку давялося разварочвацца на 180 градусаў і з усіх ног бегчы ад ката, які хутка ператварыўся з ахвяры ў пераследніка.