Навукоўцы знайшлі планету, на якой могуць расплавіцца жалеза і камень
2- 8.05.2021, 21:54
- 2,610
Планета разаграваецца вышэй за 2500 градусаў Цэльсія.
Астраномы выявілі экзапланету TOI-1431b (MASCARA-5b), тэмпература на якой падымаецца так высока, што на ёй плавяцца камень і жалеза. Планета знаходзіцца на адлегласці 490 светлавых гадоў ад Зямлі, паведамляе zn.ua.
Планета ў тры разы большая за Юпітэр і ўтрая за яго цяжэйшая. Яна круціцца вельмі блізка да сваёй зоркі, здзяйсняючы поўны абарот усяго за 2,5 зямныя дні. З-за такой блізкасці планета адчувае моцны ўплыў прыліўных сіл, і яе кручэнне вакол восі сінхранізаваная з арбітальным. Гэта значыць, планета заўсёды павернутая да зоркі адным і тым жа бокам.
З-за гэтага тэмпература паверхні планеты падымаецца вельмі высока, вышэй, чым у некаторых зорак. Так, дзённы бок TOI-1431b напалены да 2700 градусаў Цэльсія, а начны - да 2300 градусаў. Гэта адна з самых гарачых планет, вядомых сёння.
Першыя прыкметы TOI-1431b былі выяўленыя ў звестках, сабраных тэлескопам TESS. Дадатковыя назіранні правялі з дапамогай наземнага тэлескопа SONG, які працуе на Канарскіх выспах. Са слоў навукоўцаў, выяўленне такіх звышгарачых юпітэраў - вялікая рэдкасць.