Як будзе хадзіць грамадскі транспарт у Менску 9 траўня

Частка вуліц у цэнтры перацятая.

У Менску 9 траўня будуць перацятыя дарогі ў цэнтры, аўтамабілям давядзецца аб'язджаць. Зменяцца некаторыя маршруты аўтобусаў, а цягнікі метро вечарам будуць хадзіць часцей чым звычайна.

Партал tut.by сабраў важныя паведамленні ад ДАІ і транспартнікаў аб руху ў горадзе ў гэты дзень.

Калі закрыюць рух ля плошчы Перамогі

Раніцай і ўвечары 9 траўня ў раёне плошчы Перамогі будуць святочныя мерапрыемствы.

Першы раз рух транспарту, акрамя грамадскага, абмяжуюць з 7.00. З 9.00 - цалкам закрыюць рух усіх тыпаў транспарту.

Вось якія вуліцы гэта закране. На праспекце Незалежнасці - ад вуліцы Янкі Купалы да Казлова, на вуліцы Захарава - ад праспекта Незалежнасці да Першамайскай, на вуліцы Кісялёва - ад праспекта Незалежнасці да Чырвонай.

Увечары на названых вуліцах з 18.00 зноў закрыюць рух асабістага аўтатранспарту, а з 19.00 - і грамадскага.

ДАІ настойліва просіць адмаўляцца ад асабістых аўто і прыязджаць на свята грамадскім транспартам.

Як будзе працаваць наземны транспарт

З-за перакрыццяў зменяцца некаторыя маршруты аўтобусаў, папярэджвае «Мінсктранс». Час заканчэння абмежаванняў паказана арыенціровачна.

з 8.00 да 13.00 і з 17.00 да 24.00:

аўтобусы № 18, 26, 26А пойдуць па праспекце Машэрава, вуліцах Казлова, Змітрака Бядулі, Першамайскай у абодвух кірунках, з усімі прыпынкамі на змененым участку.

з 9.00 да 13.00 і з 17.00 да 24.00:

аўтобусы № 100, 115Э паедуць па праспекце Незалежнасці, вуліцах Свярдлова, Ульянаўская, Першамайская, Змітрака Бядулі, Казлова, праспекце Незалежнасці, аўтобусы № 115Э не будуць рабіць прамежкавыя прыпынкі;

аўтобусы № 300Э ад аўтавакзала «Цэнтральны» паедуць па вуліцах Бабруйская, Свярдлова, Маякоўскага, Аранская, праспекце Партызанскі, вуліцах Ванеева, Ваўпшасава, Радыяльная, Філімонава, праспекце Незалежнасці і далей па маршрутах у абодвух напрамках;

аўтобусы № 57 накіруюць па вуліцах Пуліхава, Першамайскай, Ульянаўскай, Бабруйскай, Клары Цэткін, праспекце Дзяржынскага і далей па маршруце ў абодвух кірунках з усімі прыпынкамі на змененым участку.

Трасы аўтобусаў могуць аператыўна змяняць пры неабходнасці.

А вось маршруты, па якіх 9 траўня пусцяць больш транспарту:

аўтобусы № 1 - з 10.00 да 21.30;

аўтобусы № 100 - з 13.00 да 17.00;

трамваі № 6 - з 10.00 да 21.30.

Як будзе працаваць метро

Метро 9 траўня будзе працаваць па графіку нядзельных дзён, але з 20.00 да 24.00 цягнікі будуць хадзіць часцей, чым звычайна, піша падземка. Інтэрвал - 5 хвілін.

У першай палове дня і ўвечары выхад (і ўваход) са станцыі «Плошча Перамогі» да мемарыяльнай пляцоўцы і Вечнага агню будуць абмежаваны.

Нагадаем таксама, што на станцыях метро ў гэты дзень будуць працаваць патрулі міліцыі.

Каб не збіраліся чэргі ля касаў, метрапалітэн просіць загадзя купляць жэтоны і праязныя.