Польшча абвясціла пра старт вакцынацыі ад COVID-19 для моладзі
1- 9.05.2021, 17:33
- 2,326
Амаль 3,5 мільёна палякаў ужо цалкам скончылі працэс вакцынацыі.
У Польшчы першую дозу вакцыны ад каранавіруса атрымалі больш за 10 млн чалавек, улада краіны ўжо абвясціла пра старт вакцынацыі для моладзі, паведамляе «Польскае радыё».
Прэм'ер-міністр краіны Матэвуш Маравецкі заявіў, што першую дозу прышчэпкі ад COVID-19 ужо атрымалі больш за 10 млн чалавек. Амаль 3,5 мільёна людзей ужо цалкам скончылі працэс вакцынацыі.
Улада Польшчы паведаміла, што з нядзелі запісацца ў чаргу на вакцынацыю змогуць маладзёны, якія нарадзіліся ў 2000, 2001, 2002 і 2003 гадах.
У Польшчы да канца года плануюць выдаць «накіраванні» на атрыманне прышчэпкі ад каранавіруса ўсім, каму яшчэ няма 18 гадоў.