Расейскія караблі спрабавалі перашкодзіць вайсковым вучэнняў Украіны і ЗША
7- 9.05.2021, 20:24
- 8,754
Амерыканскія і ўкраінскія вайскоўцы праводзяць супольныя манеўры ў Чорным моры.
Як піша censor.net, пра гэта паведамляе прэс-цэнтр Дзяржпамежслужбы Украіны.
"Амерыканскія партнёры прыбылі ва Украіну з сяброўскім візітам, у рамках якога пройдуць супольныя манеўры ў моры, трэнінгі ў абмене досведам у назіральных і штурмавых аперацыях, і справавая сустрэча прадстаўнікоў ахоўнікаў марскіх межаў і арганізацыі бяспекі суднаходства дзвюх дзяржаваў", – гаворыцца ў паведамленні.
У Дзяржпамежслужбе адзначылі, што караблі памежных установаў ЗША і Украіны на пераходзе морам адпрацоўвалі зладжанасць дзеянняў у міжнароднай тактычнай групе.
Дзеянні партнёраў пільна адсочвалі і суправаджалі сваёй прысутнасцю караблі РФ.
"Караблі краіны-агрэсаркі то абвяшчалі выдуманыя каардынаты закрытых раёнаў, патрабуючы пакінуць іх, то страшна манеўравалі і спрабавалі штучна звузіць зону манеўру для ўкраінскага і амерыканскага караблёў. Не адказвалі на выклікі сувязі праз каналы міжнароднай марской бяспекі. Дзёрзкае парушэнне нормаў міжнароднага марскога права старанна зафіксаванае і задакументаванае ўкраінскімі памежнікамі", – вынікавалі ў Дзяржпамежслужбе.
Цяпер флагман марской аховы Дзяржпамежслужбы "Рыгор Курапятнікаў" і карабель Берагавой аховы ЗША "Hamilton" застаюцца ў моры, прадаўжаючы супольныя вучэнні. Візіт замежнага госця ў порт Адэсы запланаваны на 10 траўня.