SpaceX рэкордны 10-ты раз запусціла і вярнула на зямлю першую ступень ракеты-носьбіта Falcon 9
3- 9.05.2021, 21:40
- 3,882
Запуск быў зроблены на мысе Канаверал.
9 траўня ў 2.42 паводле паўночнаамерыканскага ўсходняга часу (8.42 паводле Менска) амерыканская кампанія SpaceX запусціла ракету-носьбіт Falcon 9 з 60 спадарожнікамі для глабальнага інтэрнэту Starlink. Трансляцыя вялася на YouTube-канале кампаніі, піша "Гордан".
Запуск быў зроблены са стартавага комплексу SLC-40 касмадрома на мысе Канаверал у Флорыдзе (ЗША).
Першая ступень Falcon 9 выкарыстоўвалася рэкордны 10-ты раз. Да гэтага яна ўдзельнічала ў місіях вываду на арбіту сямі серый спадарожнікаў Starlink, касмічнага карабля Crew Dragon (дэманстрацыйная версія) на Міжнародную касмічную станцыю, а таксама двух запускаў з іншымі спадарожнікамі.
На гэты раз пасадка таксама была паспяховай, яе пасадзілі на плыўную платформу Just Read the Instructions ("Проста прачытайце інструкцыю") у Атлантычным акіяне.
Falcon 9’s first stage has landed on the Just Read the Instructions droneship, completing this booster’s 10th launch and landing! pic.twitter.com/8KeEAfHgWF
— SpaceX (@SpaceX) May 9, 2021
Праз гадзіну пасля старту спадарожнікі былі выведзеныя на арбіту.
Deployment of 60 Starlink satellites confirmed pic.twitter.com/RarbrcfUml
— SpaceX (@SpaceX) May 9, 2021