Няма грошай: Мінфін прапаноўвае скасаваць налогавыя льготы

Чыноўнікі ўбачылі рызыкі для выканання бюджэту.

З улікам існых рызык для выканання бюджэту неабходна пайсці на скасаванне шэрагу падатковых ільгот, заявіў першы намеснік міністра фінансаў Дзмітрый Кійко, выступ якога на Рэспубліканскім дзелавым форуме апублікаваны ў апошнім нумары ведамаснага часопіса «Финансы, учет, аудит».

Са слоў Кійко, дадатковыя выдаткі на ахову здароўя, выкліканыя каранавірусам, ствараюць рызыкі для выканання бюджэту. «Ва ўзроўні пошуку сродкаў на падтрымку аховы здароўя мы перавышаем леташні ўзровень», - сказаў чыноўнік, падае БелаПАН.

У гэтых абставінах, адзначыў ён, Мінфін імкнецца забяспечыць збалансаванасць бюджэтаў усіх узроўняў. У якасці асноўнага вонкавага фактару, які стварае дадатковыя выклікі для бюджэту, Кійко адзначыў уплыў падатковага манеўру Расеі ў нафтавай сферы.

«З улікам цяперашняга становішча дзяржаве неабходна пайсці на ўпарадкаванне множных падатковых рэжымаў пасродкам трансфармацыі ў нейкую адзіную сістэму падтрымкі прадпрымальніцкай дзейнасці (у тым ліку з яе замацаваннем у Падатковым кодэксе)», - адзначыў ён.

Акрамя таго, «у існых рэаліях наспела пашырэнне падатковай базы за кошт касавання падатковых льгот пры адначасовым удасканаленні спосабаў іх аплаты». Паводле звестак БелаПАН, суму падатковых ільгот у 2020 годзе ўлады ацэньвалі на 5% ВУП.

«Мэта падрыхтаваных мерапрыемстваў - ліквідаваць прэферэнцыі для абраных, стварыўшы камфортныя ўмовы для ўсіх суб'ектаў гаспадарання, якія выключаюць падаткаабкладанне інвестыцый і забяспечваюць паступлення ў бюджэт толькі з рэальна атрыманых даходаў», - падкрэсліў Кійко.

Ён таксама адзначыў, што Мінфін плануе пашырыць удзел малога і сярэдняга бізнэсу ў даходах бюджэту.

У 2021 годзе бюджэт Беларусі выконваецца з дэфіцытам. За студзень-красавік выдаткі перавысілі даходы на 748,9 млн руб.