Нафта рэзка патаннела
- 10.06.2021, 20:28
- 5,554
Brent спікіраваў на 2% за 5 хвілін.
Нафта рэзка патаннела на вячэрнім гандлі ў чацвер на навінах пра тое, што ЗША здымаюць санкцыі з ключавых чыноўнікаў іранскай нафтавай галіны, адкрываючы дарогу да магчымага пагаднення скасавання эмбарга супраць аднаго з найбуйнейшых пастаўшчыкоў АПЕК, паведамляе finanz.ru.
Ф'ючэрсы на гатунак Brent у Лондане спікіравалі на 2% за пяць хвілін пасля таго, як амерыканскі Мінфін абвясціў, што выключае з «чорных спісаў» кіраўніка Іранскай нацыянальнай нафтавай кампаніі, а таксама двух топ-мэнэджэраў трэйдынгавых фірмаў, уцягнутых у гандаль «чорным золатам».
Санкцыі здымаюцца з кіраўніка дырэктара NOIC Ахмада Галебані, а таксама двух ураджэнцаў Ірана з брытанскімі пашпартамі - Фарзада Базаргана і Махамада Маіні. Першы займае пасаду кіраўніка дырэктара Hong Kong Intertrade Company, другі - камерцыйнага дырэктара Naftirian Intertrade Company, гаворыцца ў рэлізе ўпраўлення кантролю замежнымі актывамі казначэйства ЗША.
Адразу пасля заявы ведамства ф'ючэрсы на Brent падалі да адзнакі 70,97 даляра, але адыгралі правал і 20.03 паводле Менску прадаюцца па 72,34 даляра за бочку, дадаючы 0,17% адносна таргоў серады.
Кантракты на WTI ўкладаюцца ў Нью-Ёрку па 70,08 даляра за барэль, хоць раней у моманце зніжаліся да 68,69 даляра.
Хоць зняцце санкцый з іранскіх чыноўнікаў выглядае абнадзейліва для Тэгерана, рэальная перспектыва перамоў у Вене застаецца туманнай.
У сераду кіраўнік адміністрацыі прэзідэнта Ірана Махмуд Ваезі заявіў, што нягледзячы на прагрэс дамоўленасцей аб адмене нафтавага эмбарга дасягнуць пакуль не ўдалося.
«Мы моцна прасунуліся ў той частцы, якая тычыцца пытанняў эканомікі. Аднак усё яшчэ захоўваюцца абмежаванні, звязаныя з продажам нафты», - сказаў ён.
У траўні, паводле звестак АПЕК, Іран здабываў амаль 2,4 млн барэляў у дзень супраць 3,8 млн да ўвядзення санкцый. Здабыча ў Ісламскай рэспубліцы ўстойліва расце з канца мінулага года і дадала ўжо 500 тысяч барэляў у дзень.