Індыя рыхтуецца да трэцяй хвалі COVID-19
3- 11.06.2021, 9:16
- 1,654
Навучаюць больш за мільён медыкаў.
Індыя рыхтуецца да трэцяй хвалі каранавіруса. Гэта прымусіла ўрад навучаць больш за мільён медыцынскіх работнікаў для барацьбы з пандэміяй.
Пра гэта паведамляе ThePrint.
Другая хваля каранавіруса ў Індыі, якая ўспыхнула пару месяцаў таму, прывяла да нястачы медыкаў. У Індыі не стае як звычайнага персаналу, які даглядае хворых з COVID-19, ды іх памочнікаў медыцынскіх лабараторных тэхнолагаў, тэхнікаў у абслугоўванні кіслародных установак і многіх іншых.
Гэта прымусіла ўрад Модзі пачаць працэс навучання больш як 1,17 мільёна чалавек для розных роляў у сферы аховы здароўя.
Вядома, што 100 тысяч чалавек будуць патрэбныя для дапамогі агульнага дзяжурства. Таксама патрэбныя дасведчаныя супрацоўнікі агульнага профілю, тэхнікі хуткай медыцынскай дапамогі, спецыялісты для дапамогі дома і абслугоўвання медыцынскага абсталявання.
Яшчэ 15 000 чалавек будуць навучаныя рабоце з кіслароднымі ўстаноўкамі, вентылятарамі і канцэнтратарамі кіслароду. Больш як 2500 чалавек - гэта кіроўцы, яны пройдуць навучанне для працы з цыстэрнамі з кіслародам.
"Другая хваля пандэміі не толькі паказала, наколькі мы дрэнна абсталяваныя, калі гаворка ідзе пра адмысловыя кіслародныя устаноўкі для лякарняў, канцэнтратары кіслароду і гэтак далей, Але таксама выявіла нястачу падрыхтаваных кадраў для іх разязання. Мы не хочам зноў апынуцца ў такой сітуацыі", - сказаў высокапастаўлены ўрадавы чыноўнік выданню.