У Сэнаце Польшчы абмеркавалі сітуацыю ў Беларусі

Спікер Сэнату заявіў, што «маральны абавязак Польшчы - падтрымаць адважны беларускі народ».

Сэнат Польшчы заслухаў інфармацыю МЗС краіны аб дзейнасці польскага ўрада ў дачыненні да сітуацыі ў Беларусі, у тым ліку рэпрэсіі рэжыму Лукашэнкі супраць польскай меншасці, паведамляе «Радыё Польшча».

Як адзначыў спікер Сэнату Томаш Гродзкі, «маральны абавязак Польшчы - падтрымаць адважны беларускі народ, які перажыў тое, што мы (палякі - заўв.) зазналі да 1989 году - рэпрэсіі, забойствы, пераследы».