Пасылкі, замоўленыя на Ozon, можна будзе забраць у аддзяленнях «Белпошты»
7- 11.06.2021, 11:29
- 4,580
Сярэдні тэрмін дастаўкі складзе тры дні.
«Белпошта» стала партнёрам Ozon у дастаўцы заказаў з гэтай гандлёвай пляцоўкі. Зараз пасылкі, заказаныя на Ozon, можна будзе забраць у кожным аддзяленні «Белпошты». Інфармацыя пра гэта была апублікаваная на афіцыйным сайце арганізацыі.
- Усяго ў Беларусі больш за тры тысячы аддзяленняў «Белпошты». Сярэдні тэрмін дастаўкі, у залежнасці ад размяшчэння абранага пры замове паштовага аддзялення, складзе 3 дні. Мінімальная цана для бясплатнай дастаўкі - блізу 35 рублёў, - напісана ў паведамленні.
За лета кампанія Ozon плануе падключыць да дастаўкі кур'ерскую службу «Белпошты».